Advent Poem 19


All Mydle Erthe it Shall Fulfyll
Anonymous

A voyce from heven to erth shal com:
"Uenite ad iudicium."

This voyce both sharp and also shryll
Shall be herd from heuen to hell
All mydle erthe it shall fulfyll
    Uenite ad iudicium.
        A voyce. etc.

Uenite is a blyssed song
For them that for ioye dooth longe
And shall forsake paynes strong
    Uenite ad iudicium
    A voyce. etc.

Glad in hert may they be
Whan Chryst sayeth Uenite
Ye blyssed chyldren come to me
    Into vitam eternam
        A voyce. etc.

Whan I hongred ne gaue me meat
Ye clothed me agaynst the weat
In trouble ye dyde me not forgeat
    Uenite ad iudicium
        A voyce. etc.

Ye socoured me at your doore
And for my sake gaue to the poore
Therfore wyll I you socoore
    Uenite ad iudicium.
        A voyce. etc.

Sory in hert may they be
That hereth this heuy worde, Ite
Ye cursed chyldren go fro me
    In to ignem eternum
        A voyce. etc.

Whan for nede that I dyde crye
Confortlesse ye lete me dye
Therfore now I you deny
    Uenite ad iudicium
        A voyce. etc.

For by me ye set no store
Ye shall abye ryght dere therfore
In hell with deuyls for euermore
    Uenite ad iudicium
        A voyce. etc.

            Finis.

Comments